Celebrity Golf Tourney ni Kuya Mar

Matatapos na ang first round ng NCAA.

Isang playdate na lang at tapos na ito.

Perpetual pa rin ang nangunguna pero ingat sila dahil nakadikit na ang Mapua Cardinals. Nandyan pa rin ang Letran Knights at may mga nakadikit pa--ang PCU, at San Sebastian.

Tiyak na lalong magiging mahigpitan ang labanan sa second round dahil pa homestretch na yan. Isa o dalawang talo lang, tagilid na naman ang team. Kaya bawat laro importante.

Sa second round na darating, bawal ang matalo.

* * *

Isang malaking celebrity golf club ang sa ngayon eh inihahanda na.

Para itong Goma Cup.

May mga celebrities from politics, showbiz at sports na inimbita kaya tiyak na magiging star studded ito.

Ito ay gagawin ni Kuya Mar de Guzman Cruz, isa sa mga beterano at nirerespetong radio broadcaster.

30 years na kasi siya in the business, at nag decide siyang magkaroon ng golf tournament para sa kanyang selebrasyon.

Sino pa nga bang artista ang hindi nakakakilala dito kay Kuya Mar?

Sa loob ng 30 years niya sa radyo, napakarami na niyang natulungan.

Mga singers na may pinu-promote ng album, artista na may pelikula, mga politikong nangangampanya, at marami pang iba.

Hindi na gagawin ni Richard Gomez ang Goma Cup dahil nagbigay daan na siya kay Kuya Mar para rito.

Sigurado ako, dudumugin ito ng napakaraming celebrities.

* * *

Nakitang naglalakad at later ay nag-dinner si Danny Siegle at isang magandang babae sa Greenbelt.

Maganda ang babae pero non-celebrity siya, at mukhang mabait.

Very sweet nila ni Danny at mukhang ito na nga ang ginigiliw niya.

* * *

Plugging lang ng kaibigang Manny Valera: naghahanap daw sila ng mga basketball players at iba pang lalaki na may magagandang body para sa stage play na ididirek ni Joel Lamangan mula sa panulat ni Ricky Lee at gaganapin sa music museum. Ngayong araw na ito ang final audition at gaganapin yan sa office ng DMV Entertainment sa No.5 Scout Magbanua sa Roces, Quezon City. Tawagan lamang ang tel.no. 3741361 at hanapin si Beth. At don’t forget, magdala ng fotos. Ang mapipili ay mabibigyan ng importanteng role sa stage play na ito. Ito na marahil ang pagkakataon ninyong sumikat.