Katatagan asam ng UST at La Salle

Puntirya ng pinapa-borang University of Santo Tomas at La Salle na patatagin ang kanilang puwesto sa unahan sa pakikipagtipan nila sa Lyceum at San Sebas-tian, ayon sa pagkakasunod sa panimula ng best-of-three semifinals sa Shakey’s V-League sa Lyceum Gym.

Ang Tigress, na nagtapos na katabla ang Lady Archers sa unahan matapos ang elimination round na may magkatulad na 7-1 record ngunit nakuha ng UST ang No. 1 spot dahil sa mas mataas na quotient, ay pinapaboran kontra sa Lady Pirates sa kanilang pag-alas-4ng hapon na engkuwentro.

Muling inaasahang dodominahin nina Mary Jean Balse, Joyce Pano at Venus Bernal ang net sa kanilang solidong kills at malapader na depensa tulad ng kanilang ginawa nang pabagsakin nila ang kanilang kalaban sa elims ng event na ito na itinataguyod ng Shakey’s at suportado din ng Mikasa at Accel.

Ang laban ay isasa-ere ng ‘live’ sa IBC-13.

Tulad ng UST, ang La Salle, ang reigning UAAP champion ay umaasang sasandal sa kanilang power hitters na pinamu-munuan ni 2003 UAAP MVP Desiree Hernandez, Carissa Gotis at lumalakas na si Carla Llaguno sa kanilang pakikipaglaban sa 4-peat NCAA titlist na San Sebastian sa a