Mag-utol na Siso dinomina ang Adidas Tennis Challenge

CEBU- Pinabagsak ni Sally Mae Siso si Jacob Lagman 6-1, 6-2 sa unisex 10-under habang pinadapa naman ni Bernadine Siso si Jayvee Canoy, 6-3, 6-0 sa boys’ 12 under division sa pagsasara ng Adidas Tennis Challenge 2004 sa Cebu Country Club.

Tinanghal na double titlist si Sally Mae makaraang sundan ito ng 6-2, 6-2 panalo kay Honey Mae Gilles sa girls’ 12 under sa pagdomina ng magkapatid na Siso sa Adidas netfest na inorganisa ng CTW at suportado ng Milo at Wilson ball na may basbas ng Philta.

Ang iba pang nagkampeon ay sina Francis Largo, Rosalinda Jaca, Solon at Querubin sa iba’t ibang age group.