Sportshouse Corporate & Celebrity Cup invitational Badminton tourney

Matapos ang matagumpay na pagtatanghal noong isang taon, higit na kapana-panabik ang ikalawang edisyon ngayon ng SPORTSHOUSE Corporate & Celebrity Cup Invitational Badminton Tournament na nakatakda sa July 12-18.

Ang kompetisyon ngayon ay nangako ng higit na mas malaki at may magandang naghihintay dahil magbibigay ng mas malaking giveaways at premyo ang organizing Team Powerplay Events Corporation dagdag pa ang higit na kasiyahan sa mga partisipante.

Inaanyayahan ang lahat ng corporate teams na lumahok sa kapana-panabik na torneong tinatampukan ng age-group competitions para sa Under-35 para sa men at ladies, at 35 pataas para naman sa men at ladies at mixed doubles.

Inaasahang muling pangungunahan ng Dive Shoppe at Phil. Daily Inquirer, finalists noong nakaraang taon ang mga kalahok sa pagtatanghal ngayong taon.

Ang huling araw ng pagbibigay ng entries ay sa July 3, 2004. Para sa karagdagang detalye makipag-uganayan sa Team Powerplay sa [email protected] o tawagan si Mon sa 0919-3428880 o kaya ay bumisita sa SPORTSHOUSE.