PBL Unity Cup 2004: Viva Mineral nasa finalist na

Wala ring nakapigil sa patuloy na pagragasa ng Viva Mineral Water-FEU at ang defending champion Hapee Toothpaste ang kanilang naging pinakabagong biktima nang dominahin nila ito, 80-66 sa pagpapatuloy kahapon ng semifinals ng PBL Unity Cup sa Pasig Sports Center.

Ang panalo ay naghatid sa Water Force na upuan ang isang finals berths.

Umiskor si Cesar Catli ng 19 puntos habang si Mark Isip ay may 17 puntos para sa Water Force na nagtala ng ika-9th na panalo ang pinakamahaba sa nakalipas na mga taon ng liga.

Sa naunang laro, sumandig ang Toyota Otis-Letran sa malalaking pagpukol nina Ronjay Enrile at Boyet Bautista upang maitakas ang 71-68 overtime na panalo laban sa Welcoat Paints. (Ulat ni IBrion)