Pavillar pinabagsak ni Alcantara

ILOILO--Pinabagsak ni Francis Casey Alcantara ng Cagayan de Oro si Genesis Pavillar, 6-1, 6-3 sa boys’12-under bago hiniya si Bobby Chio, 6-2, 6-1 sa boys’ 14-under division upang maging double titlist sa pagsasara ng Adidas Tennis Challenge 2004 dito sa Provincial Sports Complex noong Linggo.

Nakisalo sa karangalan ni Alcantara sina Jacob Lagman na tumalo kay Pavillar, 6-2, 6-2 sa unisex 10-under; Marvin Serito na nagtala ng 6-1, 2-6, 7-6 panalo kontra kay Gerard Bergavera sa boys’16-under; Keff Gamana na nanaig kontra Arnold Rodriguez, 6-1, 6-3 sa men’s 21-under; Riza Mariano na umiskor ng 6-1, 6-1 panalo kontra Jane Alim sa girls’12-under; Marielle Soldivilla na nagpabagsak kay Razel Cordero, 6-1, 6-1 sa girls’ 14-under; Lyn Troncoso na nakalusot kay Shannen Sombito, 6-4, 6-9 sa girls’16-under at Rafaela Dajay na tumalo kay Maricon Gonzales, 6-4, 6-4 sa women’s 21-under events.