Aya-ay namuno sa opening winners

MAASIN, Leyte-- Pinataob ni Amiel Aya-ay si Mcarter Arnol, 6-1, 6-1, sa boys’ 12-under division upang pangunahan ang mga opening day winners ng 2004 Milo Junior Tennis Cup and Regional Workshop dito sa Maasin Tennis Club.

Sa boys’ 14-under category, pinayuko ni Jun Ryan Montalbo si Louie Elnar, 6-1, 6-4, at tinalo ni Carl Dilegro si Anton Aya-ay, 6-4, 6-1.

Naungusan naman ni Cris John Arnol si Christian Nodalo, 6-4, 6-3 upang umusad sa unisex 10-under class ng CTW-organized netfest na ipinagdiriwang ang ika-10th anibersaryo ng Milo sa Philippine consumer market at suportado ng Wilson balls, Adidas at Sports Kids.