Una ay ang kanyang graduation sa kolehiyo, isang bagay na nagbukas sa posibilidad ng maningning na kapalaran sa daigdig ng akademiya. Ikalawa ay ang performance ng kanyang team na nilalaruan sa PBA kung saan ang Shell ay nakakatatlong coach na sa nakalipas na tatlong laro para sa kanilang two-game winning run.
Minsan na naging sagabal ang mundo ng sports at basketball sa 6’4 na si Alvarez sa Ateneo. At ngayon kapwa pinagtuunan niya ng pansin ang dalawa.
"For now, I’ll probably concentrate on my basketball career. But in a few years time, I will take up a computer science course. I love tinkering with computer programs you know," ani Alvarez sa kanyang post-graduation plans.
Pansamantala, kailangan niya munang tulungan ang Shell na maka-bangon mula sa hindi magandang performance nito sa mga nagdaang taon.
"There’s no way to go for us but up," anang Turbo Chargers Gameboy.
Gumawa ng kasaysayan ang Turbo Chargers sa kanilang coaching transition.
Ang American na si John Moran, na gumawa din ng kasaysayan sa basketball nang i-bench nito ang No. 1 overall pick na si Alvarez sa kanyang debut game ay pinatalsik. Ibinigay naman ni Interim coach Jiggs Mendoza ang unang panalo ng team bago inilipat ang mala-king responsibilidad sa bagong coach na si Leo Austria, na minsan ay naging PBA Rookie of the Year awardee sa Shell.
Pinamahalaan ni Austria ang Shell sa 102-98 panalo kontra sa Ginebra, ang laban na hindi siguradong lalaro si Alvarez.
"Ginebra’s bad luck for me," pagbibiro ni Alvarez. Nang siya ay mabangko at iyon ay kontra sa Kings din noong opening.
Inamin ni Alvarez na ang sitwasyon ngayon sa coach ang nagbigay ng konting alinlangan sa team kung saan ang mga Fil-Ams ay hindi nakakasiguro kung maipapasok ni Austria.
Ngunit alam ito ni Alvarez, na naglaro ng ilang beses kontra sa dating PBL mentor