Foreign riders darating na

Puerto Princesa--Inaasahang darating na ngayon ang karamihan ng dayuhang partisipante para sa pinakamalaking international motocross event--ang 2004 FIM Puerto Princesa City International Motocross Championships-Motocross Master of Asia na nakatakda sa Marso 27-28 sa apat na hektaryang track malapit sa Puerto Princesa City Hall.

Nangunguna sa mga dayuhang riders na nakatakdang dumating ay si Japanese factory rider Tadakasu Ohtsuka at Indonesian national champion Aep Dadang na siyang pinakamalaking banta kay defending Asian motocross champion at at ipinagmamalaki ng bansa na si Glenn Aguilar sa event na itinataguyod ng City of Puerto Princesa, dusit Hotel Nikko, The Legend Hotel-Palawan, Philippine airlines, Bridgstone, Cebu Pacific, Oakley, Polysport, Highland Products, Yehey.com, Negros Navigation, www.motorcycle-philippines.com, Philippine Sports Commission, Philippine Olympic Committee at Department of Tourism.

Ang dalawa pang paborito riders ay sina James Robinson ng New Zealand at Christian Horwood ng Australia kasama din sina Asian champions Xu Wen Min ng China, Chakrit Rungsuwan ng Thailand, Tony Boy Camacho ng Guam at China Vijayakumar ng India at ang Guamanian junior riders na sina Sean Lipanovich at Shane Morrison (junior 80 cc) at Cin Tover (Pee Wee 50 cc class).