Kinubra ng 51-anyos na si Vita, tubong Nagcarlan, Laguna, ang kanyang ikawalong panalo sa event na ito na sponsored ng Tanduay the No. 1 Rhum, Robinson’s Malls, Accel, Hope The Luxury Cigarrettes at Rommel’s Billiards --ang official na lamesa at siya ay iluluklok na rin sa Hall of Fame --ang ikalawang manlalaro na nakagawa ng nasabing tagumpay matapos si Antonio "Gaga" Gabica noong nakaraang Disyembre.
Ang panalo ay nagdala rin kay Vita sa ‘Battle of Champions’ na hatid rin ng Tanduay sa huling bahagi ng taong ito.
Kinontrol ni Vita ang tempo ng laro mula sa umpisa nang kanyang kunin ang 3-1 bentahe sa unang apat na racks.
Sinikap ni Baay na manatiling nakadikit nang siya naman ang sumungkit ng ikalimang rack.
Ngunit nagawang maibalik ni Vita ang kanyang composure at hindi na niya binigyan pa ng tsansa ang kanyang kalaban na makabalik pa nang walisin ang sumunod na dalawang racks tungo sa kanyang panalo.