Photo finish system gagamitin sa Tour Pilipinas 2004

Isang photo finish system na iniakma sa standards set na itinakda ng International Cycling Union (UCI), ang world governing body para sa cycling ang siyang gagamitin sa nalalapit na 2004 Tour Pilipinas.

Ang nasabing system ay dinibelop sa bansa at ito ay binubuo ng high end digital cameras at computer system kung saan naging matagum-pay ang isinagawang dryrun kahapon sa Cultural Center of the Philippines Complex ng mga Tour officials.

Pinangasiwaan nina Tour executive director Mar Mendoza, Philippine National Cycling Association officials Paquito Rivas at Art Cayabyab ang nasabing dryrun. Mismong si Tour chairman Bert Lina na siyang presidente ng PhilCycling, ang national association ng naturang sport, ang siyang nag-utos na gamitin ang nasabing equipment.

Iniurong ang Tour sa Abril 15 hanggang Mayo 2 dahil sa pagkakaroon ng sira ng mga kalsadang dadaanan ng Tour entourage.

Narito ang binagong schedule ng Tour: Stage 1 (April 15) Sorsogon to Naga, Stage 2 (April 16) Naga to Daet, Stage 3 (April 17) Daet to Lucena, Stage 4 (April 18) Lucena to Tagaytay, Stage 5 (April 19) Tagaytay to Quezon City, Stage 6 (April 20) Quezon City to Olongapo City, Stage 7 (April 21) Olongapo City to Dagupan City, Stage 8 (April 22) Dagupan to Cabanatuan City, Stage 9 (April 23) Cabanatuan to Solano (Nueva Viscaya), Stage 10 (April 24) Solano to Tuguegarao, Stage 11 (April 25) Tuguegarao to Aparri, Stage 12 (April 26) Aparri to Laoag, rest day on April 27, Stage 13 (April 28) Laoag to Vigan, Stage 14 (April 29) Vigan to Baguio, Stage 15 (April 30) Baguio to Baguio, Stage 16 (May 1) Baguio to Tarlac at Stage 17 (May 2) Manila circuit race--Quirino Grandstand-Roxas Boulevard.

Sisimulan ang Tour sa Abril 12 kung saan mahigit sa 500-strong entourage caravans ang siyang kalahok sa kick off point sa Sorsogon, Sorsogon.

Mayroong 84 siklista sa pangunguna ng 2003 champion na si Arnel Quirimit ang maglalaban-laban sa Tour na sasalihan rin ng 12-teams.