Sina Paul Rosal, Raffy Ynion, Huilliard Seth Yap, Elben Leonida, Kristoffer Arriola at Samson King Jr., ang siyang mga nahugot mula sa mahigit 150 aspiranteng dumalo sa tryout na ginanap sa Iloilo Sports Complex kamakailan.
Ayon kina national coaches Boyzie Zamar at Dong Vergeire, ang mga ito ay kinakitaan nila ng potensyal at maaring hubugin upang maging miyembro ng pambansang koponan balang-araw.
Si Rosal ay 6’3 at produkto ng University of Iloilo, si Ynion, 6’2, ay mula naman sa Sun Yat Sen High School habang ang 5’11 na si Yap ay galing Iloilo Chinese Commercial High School.
Kapwa may taas naman na 5’10 sina Leonida, Arriola at King. Sila ay buhat sa Univerisity of San Agustin, Western Institute Technology at Sta. Maria Catholic College, ayon sa pagkakasunod.
Gaya ng ibang napili sa ibang lugar na pinun-tahan ng Tryout ng Bayan, ang anim ay dadalhin dito sa Maynila at isasama sa national training pool. Sila ay bibigyan ng scholarship ng Cebuana Lhuillier.