Santos, Arevalo umusad sa All-Women netfest

Sinapawan ng kapana-panabik na panalo ng mga lady executives na sina Marife Bugal-Tita Francisco at Lea Samson-Leni Anola, ang tagumpay ng mga RP top netters na sina Tracy Santos at Czarina Mae Arevalo kahapon sa 2004 Hotel Emelie All-Women’s Tennis Open na nagbukas sa Rizal Memorial Tennis Center kahapon.

Tinalo ng tandem nina Bugal-Francisco sina Minda Barlis at Joycelyn Garcia, 6-3, 2-6, 6-2 habang naungusan naman ng pares nina Samson-Anola sina Alice Contreras at Bernadeth Madamba, 6-4, 1-6, 6-3 upang makausad sa quarterfinals ng women’s executive doubles division.

Sa Open singles category, blinangko ni Santos si Sherly Valler, 6-0, 6-0 at dinimoralisa naman si Arevalo si Aileen Rogan ng General Santos City, 6-0, 6-2.

Iginupo ni third pick Bien Zoleta si Devine Escala, 6-0, 6-0; inilampaso ni No. 4 Michelle Panis si Anna Soriano, 6-0, 6-0 at pinatalsik ni No. 7 Ivy de Castro si Holy Ann Gonzales, 6-0, 6-1.