Impresibong performance ang inilabas ng beteranong si Xu Ran at ng bagitong si Yu Xin-Yuan upang igupo ang tambalan nina Johnny Arcilla at Adelo Abadia, 6-3, 6-1, 3-6, 6-2 sa harapan ng malaking bilang ng pro-Filipino crowd sa Ynares Socio-Cultural Sports Center sa Pasig City.
Si Xu, miyembro ng kopo-nan na umiskor rin ng 3-0 panalo kontra sa Philippines sa Wuhan, China noong nakaraang taon ay nangailangan ng dalawang oras at 30 minu-tos para tapusin ang kanilang laban.
Naging mahusay rin ang suportang ibinigay ni Yu, kasa-lukuyang ranked No. 527 sa Association of Tennis Professionals (ATP) lalo na sa unang dalawang set na binigyan ng matinding laban ang Filipino tandem.
Sinikap nina Arcilla at Aba-dia, na ang kanilang pagpapa-reha ay nagbulsa na ng mahigit sa 10 titles na makabalik at nagtagumpay naman sila sa third set, ngunit makalipas lamang ang apat na deuces.
Nabigo ang Filipino duo na mapanatili ang kanilang momentum, habang naglabas naman ang mas matangkad na Chinese players ng maning-ning na laro upang tuluyan ng wakasan ang paghahabol ng Philippines.
Nakatakdang laruin nga-yong araw ang dalawa pang singles match ng best-of-five tie simula sa alas-10 ng umaga.
Haharapin ng China ang mananalo sa pagitan ng Kuwait-Hong Kong, habang sasagupain naman ng Philippines ang matatalo sa dalawa.