Resignation ni Trinidad, di tatanggapin ni Sy

Ibinigay ni PBL Chairman Dioceldo Sy ang kanyang full support kay Commissioner Chino Trinidad at hindi nito tinanggap ang impromptu resignation habang binigyan niya ng warning ang Welcoat Paints sa kanilang inasal sa Game-Three ng title series sa PBL Platinum Cup sa Pasig Sports Center.

"I was surprised when I got the news that Chino is resigning. Chino is a hardworking Commissioner and I can vouch for that. There’s no question about his passion to the sport and his love to the league," ani Sy. "It’s very unfortunate that it happened in the middle of the finals."

Dahil nainsulto si Trinidad nang makitang naglagay ng mga katagang "Tangkay MVP’ ang ilang players ng Welcoat matapos igawad kay Peter June Simon ng fash ang MVP trophy, inihayag nito ang kanyang resignation sa halftime ng laban na ikinagulat ng lahat.

"If that is not a show of utter disrespect, then I don’t know what is," wika ng emosyunal na si Trinidad sa madaliang press conference. "If that is not taunting, what is? I tried to work hard for the good of the league then tapos ito ang gagawin nila sa akin. That’s blatant disrespect."

Gayunpaman sinabi ni Sy na hindi niya tatanggapin ang irrevocable resignation ni Trinidad na nakatakdang ihain ngayon. "Definitely, I’m rejecting the resignation of Mr. Trinidad," ani Sy. "I will try to work a win-win solution so that we can retain the services of Mr. Trinidad. He has a great vision for the league, so sayang naman kung hindi matutuloy ito."

Magkakaroon ng emergency board meeting para pag-usapan ang naturang problema at idinagdag pa ni Sy na pananagutan ng management ng Welcoat sa pangunguna nina team owners Terry Que at Raymund Yu ang ano mang magiging resulta nito.