Dumamting na ang mga PBA Imports

Halos nandito na ang lahat ng imports na kasali sa Fiesta Cup.

Yung iba, mukhang matitindi ang credentials. Yung iba, mga draftees pa sa NBA. Sino kaya sa kanila ang unang mapapauwi?

Tingin ko, mas kakaunti na sa mga imports na ito ang mapapauwi dahil sa ang mga coaches na mismo ang tumungo sa US para piliin sila.

Hindi na sila naniwala sa mga agents na nagdadala ng mga palpak na imports rito.

Mas matipid na nga naman yang ganyan na ang coach na mismo ang nag-scout sa US at namili para sa team niya. Pag pumalpak si import, walang ibang dapat na sisihin kundi si coach.

* * *

Wala pa ring patid si basketball coach sa pagkakalat na kinukuha siya ng isang PBA team. Tinanggal na siya sa kanyang puwesto bilang head coach na hawak niya pero sige pa rin siya sa pagmamayabang na siya ay magiging coach na ng isang PBA team.

Sa sobrang kayabangan ng coach na ito, nag-petition ang mga players para alisin siya kaya naman di nagtagal eh tsinugi na rin siya ng management., Kasi naman eh...

* * *

Magpapakasal na sana ngayong taon na ito ang isang basketball player at ang kanyang girlfriend. Pero sa huling sandali, na-cancel ang lahat ng plano nila.

Bakit kaya? May nadiskubre kaya si girlfriend kay player? O may nadiskubre si player kay girlfriend? Aalamin natin....

* * *

Nakabalik na ang Talk N Text matapos ang kanilang mahabang bakasyon sa US. Grabe ang experience na nakuha ng mga players ng Talk N Text habang nasa Amerika dahil hindi lang sila nag-pleasure trip doon kundi nag-practice din sila at ang humawak ay mga magagaling na American coaches.

Titingnan natin kung paano makakatulong ang mga natutunan na ito ng Talk N Text team sa kanilang kampanya sa PBA ngayong 2004 season.

* * *

PERSONAL: iniimbitahan ni Engr. Deng Ngo Orial ang lahat ng MIT graduates ng 1979 para sa isang grand jubilaraians homecoming sa July 10, 2004 sa isang five-star hotel.

"25 years na since kaming lahat ay nag-graduate at isang pagkakataon ito para magtipon-tipon muli at mag-reminisce ng aming good old days sa MIT. This is going to be grand affair," sabi ni Engr., Deng na siyang chairman ng organizing committee para sa affair na ito. For details, mag log on sa mapua79@yahoogroups.com o kaya ay tawagan si Deng sa 8543386 o 7504168.