NBL Panasonic Cup lalarga ngayon

Sisimulan na ng kasalukuyang national champion at host M. Lhullier Kwarta Padala-Cebu ang kanilang kampanya sa isa na namang titulo sa pakikipagharap sa Fortune-Marikina ngayon sa pagbubukas ng unang torneo ng National Basketball Confe-rence sa taong ito, ang 1st NBC-Panasonic Sinulog Cup sa New Cebu Coliseum sa Cebu City.

Ang Jewelers ay pinapaborang magwagi laban sa Fortune sa alas-7:00 ng gabing tampok na engkwentro.

Magsasalpukan muna ang Sulpicio Lines-Adamson U at Spring Cooking Oil-San Pablo City sa ganap na alas-4:00 ng hapon, na susundan ng isang simpleng opening ceremonies sa alas-6:00 ng gabi.

Ang isa pang koponang kasali sa isang linggong torneong ito ay ang Mail&More-MayniLA ni coach Egay Macaraya.

Ang limang kalahok ay sasalang sa single round-robin elimination kung saan ang top-two ay aakyat sa winner-take-all na kampeonato.