Fash vs Welcoat: Preview ng PBL Finals

Magsisilbing preview ng finals ang laban ngayon ng Fash Liquid Detergent at Welcoat Paints para sa pagtatapos ng semifinal round ng PBL Platinum Cup sa Pasig Sports Center.

Wala nang bearing ang alas-4:00 ng hapon sagupaan ng Paint Mas-ters at Liquid Powers maliban sa pagkakaroon ng pagkakataong mag-kikilatisan ang dalawang koponang ito na maghaharap para sa titulo.

Mauuna rito, maghaharap naman ang mga nasibak sa kontensiyong Sunkist-UST at ang Blu Star Detergent sa alas-2:00 ng hapon sa isa pang non-bearing game na magsisilbing preview rin ng kanilang battle for third place.

Hangad ng Welcoat na higit pang map-ganda ang kanilang record na 13-4 para sa magandang pagtatapos habang nais naman ng Fash na makabangon sa kanilang nakaraang pagkatalo sa Blu Star na tumapos ng kanilang seven-game losing streak.

Ang Blu Star ay nag-iingat ng 9-8 kartada habang ang Sunkist ay may 8-9 kartada. (Ulat ni CVOchoa)