Fash vs Welcoat sa semis ayos na

Isinaayos ng Welcoat Paints at ng Fash Liquid Power ang kanilang paghaharap sa kampeonato matapos ang magkahiwalay na panalo kahapon sa semifinals ng PBL Platinum Cup sa Pasig Sports Center.

Umiskor si Peter June Simon ng jumper sa huling 5.9 segundo ng labanan upang ihatid ang Unity Cup champion Fash sa 87-86 panalo kontra sa Sunkist UST sa unang laro.

Dinomina naman ng Paint Masters ang kanilang laban kontra sa Blu Star Detergent para iposte ang 75-64 panalo.

Ito ang ikapitong sunod na panalo ng Liquid Powers, ika-11 sa 16-laro na nagpatatag sa kanila sa ikalawang posisyon habang lalo pang pinaganda ng Welcoat ang kanilang nangungunang record sa 12-4 kartada. (Ulat ni CVOchoa)