Finals tangka ng Welcoat

Tangka ngayon ng defending champion at league leader na Welcoat Paints ang unang finals berth sa kanilang pakikipagharap sa karibal na Fash Liquid Detergent sa alas-4:00 ng hapon na nakikinikinitang preview ng championship match ng PBL Platinum Cup sa San Juan gym.

Taglay ng Paint Masters ang pinakamatayog na 11-3 win-loss slate kasunod ang Fash na may 9-5 kartada. Ang Welcoat ay nakakasiguro na ng play-off para sa ikalawang finals berth.

Magsasagupa naman ang Blu Star Detergent at Sunkist UST sa alas-2:00 ng hapon na parehong nasa must-win situation upang manatiling buhay ang kanilang pag-asa sa finals.

Matapos matalo sa unang dalawang laro, ang Tigers at Detergent Kings ay kailangang manalo sa huling natitirang apat na laro para makahirit ng play-off para sa huling finals slot sa bisa ng 4-of-6 incentive rule.