First round draft ng San Miguel Beer pinamigay

Sa kagustuhang may idagdag sa kanilang line-up, handa si San Miguel Beer coach Jong Uichico na ipamigay ang kanilang first round sa taunang PBA Draft sa Enero 16 sa Glorietta Activity Center.

Bunga nito, inaasahan ang trade deals sa araw mismo ng draft kung saan sangkot ang Beermen, Alaska at Red Bull.

"We have made it known that our pick is on the table because there are few guys that we want" ani Uichico. "If they are not available by the time we pick, we might as well trade our pick or pick a player from ano-ther teams for future picks," aniya pa.

Isa sa dahilan ng trade deals ding ito sa araw mismo ng draft ay dahil sa mas mababang salary cap kung saan mas murang pumili ng bata kaysa sa beterano.

"It’s cheaper to get a younger guys that to get a veterans," ani Alaska coach Tim Cone na nagsabing wala pa ring kasiguruhan ang kani-lang No. 5 pick dahil hanggang ngayon ay hindi pa pumipirma sa Aces si John Arigo.

Masasangkot din ang Red Bull sa trade dahil sa mga pagbabagong ginagawa sa kanilang koponan. (Ulat ni CVOchoa)