Sunkist-UST vs Montana, Blu Star kontra Welcoat

Nais ng Welcoat, Sunkist-UST at Blu Star Detergent na sundan ang kanilang nakaraang pa-nalo sa dalawang sultadang nakatakda ngayon sa pag-usad ng PBL Platinum Cup sa Pasig Sports Center.

Kapwa galing ang Tigers at Detergent Kings sa magkahiwalay na panalo sa pagpapatuloy ng aksiyon kamakalawa matapos ang dalawang linggong pagkabinbin ng aksyon sa pagbibigay daan sa nakaraang SEA Games.

Ang Sunkist ay nagta-gumpay kontra sa ICTSI La Salle, 69-63 at agad pinarisan ito ng 71-67 pamamayani kontra sa Montana Jewels, na naglapit sa kanila sa semifinal round.

Unang maghaharap ang Sunkist at Montana sa ala-1:45 ng hapon habang ang Blu Star Detergent Kings at Paint Masters naman ay mag-haharap sa dakong alas-4:00 ng hapon.

Mas mainit ang Tigers sa kasalukuyan dahil sa kanilang apat na sunod na sa kanilang huling limang laro kaya’t sila ang pina-paborang manalo laban sa Jewelers habang galing naman sa dalawang sunod na talo ang Montana.