40 golds target nalampasan na

HANOI -- Naabot na ng Philippines ang target na 40-golds kahapon ng tanghali at marami pang ginto ang inaasahang dumating na posibleng maglagay sa bansa sa fourth place overall.

"I knew the athletes would and could deliver," sabi ni Eric Buhain, chairman ng Philippine Sports Commission (PSC), na nag-predict na di bababa sa 40-golds ang makukuha ng bansa sa 22nd Southeast Asian Games dito.

"It’s like ‘I told you so’ and it’s more like the athletes saying ‘we would not fail the country’," dagdag ni Buhain, na walang pagod sa pagtsi-cheer ng mga Pinoy athletes dito at sa Ho Chi Minh.

Noong Hunyo pa lamang, walang pag-aalinlangang sinabi ni Buhain ang kanyang prediksiyon.

Ito ang kauna-unahang pagkakataong naabot ang prediksiyon para sa gold medals.

"I have always trusted the athletes," ani Buhain. "When they told me they would be shooting for the gold medals, I believed them. Nagtiwala tayo sa kanila."