PBA sa Channel 4 na lang

Nanalo rin sa wakas ang Adamson Falcons, nagawa nila ito sa Unigames at ang tinalo nila ay ang FEU Tamaraws. Naging mahigpit din ang competition sa Unigames dahil halos lahat ng magagaling na college teams eh sumali, tuwang-tuwa siyempre si coach Luigi Trillo dahil hindi man niya nagawa sa UAAP ng limang taon, nagawa rin niya para sa Unigames.

Mananatili na nga kaya si Luigi na coach ng Adamson dahil sa panalong ito? Malalaman natin...

Samantala, our congratulations to the Adamson Falcons!

* * *

Naloka ang mga televiewers ng PBA ng hindi na nila napanood ang PBA games nung isang gabi sa Channel 13. Channel 4 na nga lang naman ang may coverage. At alam nyo na ang dahilan.

Ang Channel 13 na mismo ang umayaw dahil sa hindi nga raw sila nababayaran.

Baka naman kapag Channel 4 na nga lang ang may coverage eh mas tumaas na ang rating dahil iisang istasyon na lang ang panonooran ng mga fans.

Problema na naman yan ng PBA.

To think na kapansin-pansin na lately, lagi na namang walang tao sa PBA bakante na namang lagi ang bleachers.

Nakakaloka ang PBA dahil hindi na ito tinatantanan ng problema mula pa nung mag-umpisa sila ngayong taon na ito.

Bakit kaya?

* * *

Ang susunod naman ay ang Battle of the Champions, interesting din ito dahil puro champions ng iba’t ibang liga ang maghaharap-harap.

Masaya ito dahil last year, nasaksihan namin ang ligang ito at marami ring nanonood.

Gagawin daw ito sa iba’t ibang lugar kaya I am sure maraming fans ang matutuwa sa Battle of the Champions.

* * *

May bagong negosyo si Boybits Victoria.

Yan ay ang Barbeque Grill Queen na sa ngayon eh may dalawang branches na.

Nakakatuwa naman dahil kahit maliit lang ito, natutuwa na rin si Boybits at nakapag-umpisa siya ng isang negosyong matatawag niyang kanya.

Ang isa ay nasa Bicutan malapit sa Taguig kung saan nakatira ang pamilya ni Boybits.

So far, maganda naman ang takbo nito dahil sa marami na rin siyang parukyano.

Mabuti ang ganitong mga players natin eh natututong mag-negosyo.