NBL magbubukas na sa Oct. 24

Inihayag ni San Pablo City Mayor Florante ‘Boy’ Aquino kahapon ang kanyang buong commitment sa National Basketball League na magbubukas ng kanilang ikalawang regional championship sa Oct. 24 kung saan may walong koponan na kinabibilangan ng Spring Cooking Oil-San Pablo ang kalahok.

" I used to be an athlete. I love sports and I have always wanted to involve youth in sports," ani Mayor Aquino na naging panauhin kahapon sa PSA Forum sa Manila Pavilion kasama sina NBL secretary general Tito Palma at Ilocos Sur team manager Bill Rosmarino. "My entry into the NBL is a long-term commitment."

Bukod sa Spring-San Pablo, ang iba pang koponan na sasabak sa NBL ay ang reigning champion M. Lhuillier-Cebu, Forward Taguig, Pampanga, MayniLA, Ilocos Sur Snipers, Negros at Adamson University-Vaporin.

"There is a need for government and the private sector to band together for the promotion of sports," ani pa ni Mayor Aquino. "In the NBL, we also have a team from Ilocos Sur which is backed by the provincial government."

Ipinagdiinan rin ni Palma na ang NBL ay "provides opportunities for young players and those who lost their jobs when the MBA folded up." Idinagdag pa niya na siya ay masaya sa mga suportang nakukuha mula sa mga team owners at spon-sors gaya ng Panasonic, BJ Star Logistics, Sulpicio Lines, Molten basketball at Nature’s Spring.

Maghaharap ang Spring-San Pablo Lakers at Snipers sa Oct. 24 sa pagbubukas ng Panasonic Cup 2003 NBL regional championship sa bagong gawang Florante Aquino Stadium sa San Pablo City.

Samantala, dadalhin naman ni coach Luigi Trillo ang kanyang koponan sa UAAP. Babandera sa Falcons sina Kenneth Bono, Ramil Tagupa, Patrick Cabahug, Jojo Hate, Mark Abadia, Marvin Poloyapoy, Patrick Tiongco, Jeff Tajonera, Reinel Cata-bay, Roel Capati, Kim Gandarosa, Roel Hugnatan, Richard Alonzo at Mark Kong.

May bagong pakulo rin ang NBL sa pagkakaroon ng partispasyon ng mga magagandang cheerleaders gaya ng mga nasa UAAP team na Adamson.