Cariaso, David co-Players of the Week

Totoong si import Roselle Ellis ang malaking dahilan sa pagkabuhay ng Barangay Ginebra. Totoo ring si Artemus McClary ang patuloy na nagdadala sa Coca-Cola na nasa tuktok ng standing ng Group B sa PBA Samsung Re-inforced Conference.

Bilang imports, inaasahang magbibigay sila ng malalaking numero ngunit hindi nangangahulugang makakaya nila ang lahat ng trabaho.

Kailangan din nila ng solidong suporta mula sa kani-kanilang koponan para sa kanilang tagumpay.

Nitong nakaraang Linggo, kakaibang performance ang ipinamalas nina Bal David ng Ginebra at Jeffrey Cariaso ng Coca-Cola.

Nakapasok sa quarterfinal round ang Ginebra habang patuloy sa pama-mayagpag ang Coca-Cola na mayroon nang limang sunod na panalo.

Dahil dito, naiboto sina David at Cariaso bilang co-Players of the Week para sa linggong October 13-19.

Nagsumite si David, kinikilala pa ring isa sa matitinik na point guard sa PBA ng 15-puntos, tatlong rebounds, limang assists at isang steal sa 95-90 panalo ng Ginebra kontra sa Talk N Text at sinundan niya ito ng 10-puntos, dalawang rebounds, tatlong assists at isang steal sa paglampaso sa Shell Velo-city, 110-82.

Ang tagumpay ng Ginebra kontra sa Shell ang kumumpleto ng cast ng quarterfinals sa Group B kung saan makakasama nila sa susunod na round ang Coca-Cola, Red Bull at Phone Pals.

Nagtala ito ng 16-puntos, apat na rebounds at apat na assists sa 100-89 panalo kontra sa Shell at nagposte naman ito ng 15-puntos at isang re-bounds sa 106-76 pagdurog ng Tigers sa FedEx noong Sabado sa Bacolod.