Libel vs Lopez hain ni Alvarez

Magsasampa ng kasong libel ang dating PBA cager na si Paul ‘Bong’ Alvarez sa mga paratang ni Alfred Lopez na umano’y nakahuli sa kanyang kasiping ang asawa ng huli na si Sarah Lopez kamakailan.

Ayon kay Alvarez, labis na nasira ang kanyang pangalan at naapektuhan din ang kanyang pamilya dahil sa paratang na ito ni Lopez makaraang magsalita sa isang tv talk show si Alvarez.

"Pag nangyari ‘yon puwede kang pumatay ng tao, hindi ka magkakasala doon," ani Alvarez na tinutukoy ang pagkakahuli umano sa kanya sa akto.

Pinabulaanan din ni Sarah ang mga paratang ng kanyang asawang si Lopez kay Alvarez at sinabing iba ito ito sa mga tunay na nangyari ng gabing ‘yon.
"He is just doing this for political purposes" ani Sarah sa asawang nagbabalak tumakbong konsehal sa ikaapat na distrito ng Maynila. (Carmela Ochoa)