Pinamunuan ni import Nat James ang pag-arangkada na ito ng Realtors upang itala ang kanilang ikaapat na sunod na panalo sa limang laro na nagpahigpit ng kanilang kapit sa pangunguna sa Group A.
Nakabaon ang Realtors sa 57-60 nang pagbidahan ni James ang mainit na 14-2 run sa pagkamada ng pitong puntos para sa 71-62 bentahe tungo sa huling 5:16 oras ng labanan.
Nakaipon ng kabuuang 27 puntos si James at kumamada ng 24 si Marlou Aquino na naging daan para makabangon ang Realtors sa kanilang hindi magandang shooting sa first half makaraang humakot ito ng 14 puntos sa ikatlong yugto ng laro.
Nalimitahan din ang FedEx import na si Terrence Shannon sa ikaapat na quarter makaraang maglista ito ng 13 puntos sa third quarter para sa kanyang tinapos na 18 puntos.