Tiyak na classic ang NCAA championships

Nakupo, tiyak na hanggang bubong eh punum-puno ng tao mamayang hapon sa laban ng Letran Knights at San Sebastian Stags. Tiyak na grabe ang dami ng manonood ng larong ito. This is one game you should not miss dahil tiyak na classic match ito.

* * *

Wala na raw tickets para sa laro ng Ateneo at La Salle sa kanilang crossover semis. Kawawa naman ang maraming basketball fans na ngayon pa lang eh naubusan na ng tickets. Tapos, magugulat na lang sila, P1,000 o P2,000 na ang presyo ng mga tickets sa labas.

* * *

Napakaraming nagta-try out para sa darating na PBL conference.

Marami sa kanila eh galing sa mga colleges na naglaro sa NCAA at UAAP.

Pero kakaunti lang naman ang available slots para sa mga kasaling PBL teams.

Ang dami pa ring players ang sa ngayon eh wala pa ring malaruan na teams.

* * *

Naglaro na sa finals ng junior division ang MIT Red Robins.

Pero nung inihayag na kung sinu sino ang nakapasok sa mythical team, wala ni isang player ng Red Robins.

Maski na si Michael Galinato na naging napakagaling na sentro para sa MIT eh hindi nakapasok sa Mythical 5.

Nakakaloka!

* * *

Mahirap na sigurong ma-solve ang problema ng isang PBA team sa ngayon.

Grabe ang iringan ng mga players at tutoo ka, grabe na rin ang awayan nila.

Minsan silang nag bull session para mailabas lahat ng baho pero grabe pa rin ang naging resulta nito. Imbes na magka-ayos, lalo pang gumulo.

Paano pa kaya makaka-ahon ang team na ito?

Well, siguro talagang dapat maging masinsinan ang kanilang pag-uusap, ika nga eh heart-to-heart talk ang kailangan para sa ikabubuti ng team.