Tumapos si McClary ng 30 puntos, 14 re-bounds at 10 assists, ang kanyang ikalawang triple-double performance sa PBA upang isulong ang Coca-Cola sa kanilang ikatlong sunod na panalo at saluhan sa liderato ang walang larong Barangay Ginebra sa Group B.
Kumawala na sa first half ang Tigers bago umabante ng 20 puntos sa ikatlong quarter at pinigilan ang tangkang pagbangon ng Turbo Chargers para ipalasap ang ikalawang talo sa tatlong laro.
Ibinandera ng Coca-Cola ang pinakamalaking kalamangan sa 64-44 sa bungad ng ikatlong canto kung saan ibinagsak ng Shell ang 21-3 run upang ilapit ang iskor sa 67-63.
Gayunpaman, hang-gang dito na lamang ang nagawang oposisyon ng Turbo Chargers nang muling kumawala ang Tigers at di na bumaba sa double digit ang kanilang bentahe sa ikaapat na canto.
Habang sinusulat ang balitang ito, kasalukuyang pinaglalabanan ng San Miguel at Purefoods ang buwenamanong panalo sa kumperensiyang ito.
Samantala, magpapatuloy naman ang aksiyon sa Urdaneta, Pangasinan sa pagsasagupa ng Alaska Aces at Talk N Text Phone Pals.
Nakatakda ang laban ng Phone Pals (2-1) at Aces (0-2) na hatid ng AirPhilippines sa alas-5 ng hapon sa Urdaneta Sports Complex.
Sa iba pang balita, pinayagan na ring makapaglaro si Norman Gon-zales sa Talk N Text nang bawiin ang indefinite suspension na ipinataw sa kanya.