San Andres nanalasa

Sariwa pa sa kanyang pagtatapos ng ikatlong puwesto sa FIM Asian Series sa Indonesia, muling nagpamalas ng tikas si Caltex-Revtex’s Wonder Boy Kenneth San Andres nang kanyang banderahan ang dalawang first-place finish sa City Charter Anniversary Invitational Motocross sa San Isidro, Iriga City kamakailan.

Nagwagi ang 14-anyos na si San Andres six-time National Young Rider of the Year ng unang puwesto sa 1st at 2nd heat ng Mini-Class category bago kumawala sa 1st at 2nd na karera sa Beginners’ Production class upang isubi ang dalawang panalo.

Hindi pa rin nagpahuli si San Andres na suportado ng Oakley, HJC helmets, renthal, UFO, Fox at JBS Bike Shop nang kanyang sungkitin ang 2nd place sa overall ng Open Production sa likod ng teammate na si Brian Villarde.

"Yung Mini-Class, talagang wala na siyang kalaban du’n," pahayag ng ama ni San Andres na si Jun Jun."Pero ‘yung sa Beginners’ and Production nakakagulat ang puwesto niya dahil pang -adult na talaga ‘yun."