Reyes kampeon sa Las Vegas 9-Ball Open

Hindi pa rin nawawala ang mahika ng tinaguriang "The Magician" na si Efren ‘Bata’ Reyes nang talunin niya si Niels Feijin ng Netherlands, 10-7 sa kanilang finals showdown sa 2nd Gabriel’s Las Vegas 9-Ball Open sa Riviera Casino sa Las Vegas, Nevada, upang makopo ang tiulo at premyong $10,000.

Si Reyes, na magdiri-wang ng kanyang ika-49th birthday sa Agosto 26 at iniluklok sa Hall of Fame ng Billiards Congress kamakailan, ay umabante sa finals kontra kay Feijin nang pabagsakin nito si Charlie Williams sa winner’s side at makaganti na rin sa tinaguriang "Korean Dragon’ na tumalo sa kanya sa Big Apple 9-Ball Challenge sa New York noong nakaraang linggo.

Nalaglag naman ang kumpare at kababayang si Francisco ‘Django’ Bustamante, na nagwagi ng $50,000 sa International Challenge of Champions sa Connecticut noong nakaraang buwan, makaraang yumuko kay Mika Immonen ng Finland.