UAAP sa Ateneo Gym

Hangad ng De La Salle University na makabawi sa kanilang masak-lap na pagkatalo kontra sa kanilang mahigpit na karibal na Ateneo de Manila University.

Nakatakdang laruin ngayon sa Ateneo gym ang mga games na na-kansela dahil sa Coup de etat noong Hulyo 27 na tatapos ng eliminations ng UAAP men’s basketball tournament.

Pagbabalingan ng La Salle ng galit ang Adamson University sa kanilang alas-2:00 ng hapong sagupaan pagkatapos ng engkwentro ng kanilang junior counterparts sa alas-11:30 ng umaga.

Katabla ng La Salle sa 4-2 record ang East na nakatakda namang su-magupa sa University of the Philippines sa ikalawang seniors game, dakong alas-4:00 ng hapon.

Sa ikaapat na huling laro, magsasagupa naman ang UP Integrated School at UE Pages sa dakong alas-6:00 ng gabi.(Ulat ni Carmela Ochoa)