Pagulayan wala ring suwerte

Hindi talaga para sa mga Filipino ang magwagi sa 2003 World Pool Championship nang maging ang Canada-based na Pinoy na si Alex Pagulayan ay yumuko sa 24 anyos na si Thorsten Hohmann ng Germany, 17-10.

Nauna rito, pinatalsik ni Hohmann si Francisco ‘Django’ Bustamante sa mapait na 11-10 iskor na ikinasawi ng pool crazy Pinoy na masaksihan ang muling pagtatagpo nina Bustamante at Earl Strick-land sa semis.

Maagang sinimulan ni Hohmann ang pananalasa nang agad kunin ang bentahe sa 6-2 ngunit nakabangon si Pagulayan at ilapit ang iskor sa 6-5.

Ang tagumpay ni Hohmann ay nagkakahalaga ng $65,000 ang nakatayang pangunahing premyo at $30,000 kay Pagulayan.