Pinayukod ng UE Red Warriors ang Adamson University sa unang laro, 74-61 habang pinasadsad naman ng DLSU Green Archers ang University of the Philippines, 67-58 sa ikalawang laro.
Bunga ng panalong ito ng La Salle at East, nagkaroon ng three-way logjam sa liderato matapos nilang saluhan ang walang larong Far Eastern University.
Umabante ang East sa 21-puntos na kalamangan, 46-25 sa ikatlong quarter na kanilang naging puhunan sa tagumpay.
Tanging nagawa lamang ng Adamson ay makalapit sa 38-49, ngunit hindi naman nagpabaya ang East nang muli nilang ilayo ang iskor sa 70-52 matapos ang 12-4 atake sa ikaapat na quarter.
Umiskor naman si Joseph Casio ng pitong puntos sa pivotal 14-2 run ng La Salle sa ikaapat na quarter upang palobohin ang kanilang 54-51 kala-mangan sa komportableng 66-53 patungo sa huling 2:13 minuto ng labanan.
Lalo namang nabaon ang Adamson Falcons at UP Maroons sa 0-2 kartada sanhi ng kanilang kabiguan.
Tumapos si Casio ng 12puntos, walo nito ay sa ikaapat na quarter sa likod ng 14 puntos ni Mark Cardona na naguna para sa La Salle.
"The boys played their usual roles. They were very organized at both ends," ani UE coach Boyzie Zamar. (Ulat ni CVO)