79th NCAA sasambulat na

Nakatuon ang lahat ng mata sa host San Sebastian College sa pagbubukas ng 79th season ng NCAA basketball tournament sa Araneta Coliseum.

Makakaharap ng SSC Stags ang malakas ding contender ngayong taon na Jose Rizal University sa alas-4 ng hapon.

Ngunit bago ito, papagitna sa 79th edisyon ng liga ang traditional na opening ceremony na tatampukan ng parada ng kulay ng NCAA kasabay ng dance number ng NCAA Cheer Dancers, Himig Sebastino at ng singer na si Roselle Nava gamit ang temang " NCAA at 79: A Family Through Time."

Pagkatapos ng isang oras na palabas, agad na kasunod ang aksiyon kung saan makikipag-banatan ang College of St. Benilde sa University of Perpetual Help-Rizal na live na ipapalabas sa Studio 23 ang laban kasama na rin ang laban ng SSC at JRU.

Maghaharap naman ang San Beda College at Philippine Christian Uni-versity sa alas-6 ng gabi na tatapusin ng sagupaan ng Mapua at Letran College sa alas-8 ng gabi.