SSC Stags vs UP Maroons

Sasagupain ng defending NCAA champion San Sebastian College ang University of the Philippines, habang maghaharap naman ang University of Manila at ang Philippine Christian University ngayon sa Grudge Games ng Champions League 2003 sa Makati Coliseum.

Magtitipan ang Stags at Fighting Maroons sa alas-4 ng hapon matapos ang engku-wentro ng UM-PCU sa alas-2.

Naging maganda ang debut game ng Las Piñas College at University of Santo Tomas noong Martes nang agad na kumana ng panalo sa torneong ito na hatid ng Petron, Milo, San Miguel at PCSO.

Tinalo ng Las Piñas ang University of Perpetual Help-Rizal, 89-80, habang sinaga-saan naman ng Uste ang Jose Rizal University, 81-79.

Pinangunahan ni Jamal Viscara ang Tigers sa kanyang itinalang 21 puntos at nagdag-dag naman si Lago Raterta ng 16 at 14 naman ang isinumite ni Derek Hubalde.

Ngunit, si Don Villamin ang siyang umagaw ng eksena nang kanyang isalba ang UST nang magsalpak ito ng triples na siyang gumiba sa 77-pagtatabla.