Sharon nag-enjoy sa Crispa at Toyota

Nag-taping sa Sharon ang players ng Crispa at Toyota nung Miyerkules at riot ang kanilang programa na ipapalabas na sa Linggo sa Channel 2.

Pagkatapos ng practice nila sa Meralco Gym, tuloy na sila sa Channel 2 para sa taping.

Nakakatuwa naman dahil kuwela talaga lahat ng players at naging maganda ang rapport nilang lahat kay Sharon.

Enjoy na enjoy din naman si Sharon dahil hindi niya akalaing ganoon ka-kalog ang mga players ng Crispa at Toyota. Panoorin natin sa Linggo.

* * *

Grabe talaga maglaro si Tim Duncan.

All-around. Kahit saan puwede. Magaling na umiskor, magaling pa sa rebounds.

At kitang-kita ang puso nya sa paglalaro.

He truly deserves his MVP award.

Sana lahat ng players dito sa PBA ay magkaroon ng puso sa paglalaro ng tulad ng kay Tim Duncan.

* * *

At tingnan nyo ang nangyari sa laro ng San Antonio Spurs at Dallas Mavericks kahapon.

Dalawang reklamo lang nung head coach, hayun, technical agad siya at out of the court.

Ganyan ka-authoritative ang mga referees sa kanila.

Dito sa atin, pinag-mumura na ng coach sa nationwide tv, wala pa rin.

Kaya minsan, walang rumerespeto sa mga referee natin.

* * *

Isa sa ipinagmamalaki ng La Salle Zobel sa darating na UAAP juniors ay itong si Paolo Abelardo.

Si Paolo ay 16 years old pa lang pero 6’5 na ang height niya at siyang sentro ng La Salle Zobel.

Umaasa si Paolo na makakarating na sa finals ang La Salle Zobel this year dahil malakas naman daw ang team nila at strongly bonded.

Si Paolo ay fourth year high school na kaya next year, pangarap niyang makatuntong sa senior division.

Favorite player ni Paolo ay si Danny Siegle.

Si Paolo ay anak ng ating kaibigan na si Manny Abelardo na todo-todo rin naman ang suporta sa La Salle Zobel team.