Pagbabalik tanaw nina Dalupan at Silverio

Nang huling magsalita ang maalamat na Crispa coach na si Baby Dalupan tungkol sa pabolosong karibal na Toyota, nanunoot sa kanya ang mga alaala na tila nagsasambit ng isang dasal.

"I remember, traffic used to stop because drivers would listen to our games on the radio," anang winningest coach ng PBA na si Dalupan.

Si Dalupan ang namahala sa pabolosong Crispa Redmanizers sa ilang kampeonato, ngunit ang pinakamahalaga sa kanyang alaala ay ang kalabang Toyota.

" There was something special about that rivalry. For us, matalo na kami sa lahat ng team ‘wag lang sa Toyota. And that’s the same way Toyota felt also," ani Dalupan.

At sinang-ayunan na-man ng long-time Toyota coach na si Dante Silverio. "I think when you talk about rivalries, it has to be about Toyota and Crispa. Baby and I have fought on the court so many times and it was always a challenge when you have to play Crispa," naman ni Silverio.

Maraming nasabi ang dalawa tungkol sa kanilang magkaribal na koponan nang sila ay nakapanayam may ilang taon na ang nakakali-pas para sa limited edition coffee book na magbibigay ng detalye sa mayamang kasaysayan ng liga.

At nangingiti sila kapag nagbabalik sa kanilang alaala ang mga nagdaang panahon nang masyadong mainit ang intensidad ng kanilang pagiging magkaribal na team na minsan ay umabot pa ang mga players sa kulungan matapos magkaroon ng labu-labo sa isang mainitang laro.