Seguridad sa Palaro tiniyak ng PSC

Dahil sa paniniyak ng seguridad sa lugar ng Tubod, Lanao del Norte, ini-engganyo pa ni Philippine Sports Commission (PSC) Chairman Eric Buhain kahapon ang mga kalahok sa 17 rehiyon ng bansa sa Palarong Pambansa.

"I think all that is to be done were already done," ani Buhain. "The Dimaporos are highly respected leaders of the province, if not of the region, and we are confident of their preparations that Lanao is totally ready for the meet."

Nakuha ng Lanao del Norte ang karapatang maging punong abala sa Palaro 2003 sa pama-magitan ng paggawa ng P500 milyon Mindanao Sports and Civic Center na nasasakupan ng 18-ektarya. Ang nasabing venue ay magsisilbi ring main hub ng mga aktibidades ng Palaro.