Eco Savers.Drug Busters at Newsboys hahataw sa Tour Pilipinas

Makikibahagi din ang dalawang sangay ng pamahalaan, ang Department of Environment and Natural Resources (DENR) at Department of Interior and Local Government (DILG) sa 2,460-kilometer, 15-stages Tour Pilipinas na magsisimula sa Abril 26 sa Laoag City.

Kakatawanin ng DENR ay ang EcoSavers na pangungunahan ng beteranong si Carlo Guieb kasama ang kanyang kapwa beterano ring sina Carlo Jasul at Paterno Curtan na parehong dating national riders.

Ang Drug Busters naman ang magdadala ng pangalan ng DILG at ito ay pangungunahan ni Placido Valdez.

Makakasama ni Valdez ang dating champion na si Bernardo Lleantada, Frederick Feliciano, Art dela Cruz, Escar Rendole, Jecky Barantes at Norberto Atisado.

Karamihan sa mga siklista ay naging tagahatid ng mga diyaryo at ang isang koponan ay tatawaging Newsboys na kabibilangan nina dating champion Gerardo Igos, kasama sina Danny Ganigan, Manuel Mendoza, Rodelio Valdez, Richard Aquino, Gary Apolinar at Dominador Tacutacu.

Sampung teams ang maglalaban-laban sa P1milyon team prize sa karerang hatid ng Air21.