Winning streak nais idiretso ng Hapee

Target ng Hapee Toothpaste na maipagpatuloy ang kanilang winning streak sa anim, ngunit kailangang dumaan sa mahigpit na hamon ng John-O sa pagpapatuloy ngayon ng Sunkist-PBL 2003 Unity Cup sa San Juan gym.

Man-for-man ang magiging laban ng dalawang koponan na kapwa may talento at mataas na players na maaring magpaigting sa pang-alas:4 ng hapong bakbakan.

Gayunpaman, kapwa na-man umaasa ang ICTSI at Montana Jewels na makabalik mula sa kanilang matinding kabiguan sa kanilang pagha-harap sa alas-2 ng hapon.

Kaugnay nito, ang kapana-panabik na twinbill ay isasa-ere ngayon sa pamamagitan ng Solar Sports Channel 26 mula alas-2 ng hapon hanggang alas-6 ng gabi.

Mahigpit na nalusutan ng Teeth Sparklers ang matinding pressure para sa 61-59 panalo laban sa LBC-Batangas noong Huwebes ng gabi.

Ngunit sa kabila nito, hindi kuntento si coach Junel Baculi dahil hindi nila mauulit ang larong ito kontra sa mas determinadong John-O.

Muling sasandalan ng Hapee sa kanilang laban sina Allan Salangsang, Alwyn Espiritu, at Francis Mercado upang sugpuin ang magiging depen-sa nina Ranidel de Ocampo, Ricky Calimag at Samigue Eman.

Matindi ang mga kamador ni Baculi na sina Wesley Gonzales, Rich Alvarez at Larry Fonacier na tiyak na kanyang sasandalan sa three-point area bukod pa kina Mark Saquilayan, Patrick Benedicto at Peter Jun Simon.