Ito ang kanyang inihayag sa PSA (Philippine Sportswriters Association) Forum kahapon na lingguhang ginaganap sa Manila Pavillion.
Ayon kay Buhain, siniguro ng mga organizers na magiging ligtas sa panganib ang mga partisipante sa likod ng mga naganap na barilan na malapit sa pagdarausan ng Palaro, ang Mindanao Sports and Civic Center.
Ipinaliwanag ni Buhain na hindi naman ganoon kalala ang naganap na insidente kundi napalaki lamang ng media.
"As far as the local government is concerned, they are willing to host and they are confident," ani Buhain. "The incident is 40-50 km away from the venue but I know we have to prioritize the welfare of the students who will participate."
Sinabi pa ng PSC chief na nakipag-ugnayan na ito kay Governor Bobby Dimaporo at sinabi ng Lanao del Norte Representative na tutulong ang mga barangay leaders para mapangalagaan ang kaligta-san ng mga atleta.
Sinabi din ni Dimaporo na makikipagtulungan din ang Moro Islamic Liberation Front (MILF) para protektahan ang mga partisipante.
"Even the MILF will protect the Palaro according to Rep. Bobby Dimaporo," ani Buhain. "We have to work together to ensure we have balance assessments of the situation leading to the Palaro. We have to make wise decisions." (Ulat ni CVOchoa)