Sabal, nanalo sa 'Takbo Para sa Kaliklasan'

Pinangunahan ng Palarong Pambansa standout na si Crisencio Sabal ang ikaapat na yugto ng dzMM "Takbo Para sa Kalikasan" sa Quirino Grandstand, Rizal Park.

Si Sabal ay naorasan ng 32 minutes at 20 second para manguna sa 2,700 runners na lumahok sa 10km.

Pumangalawa si Robel Cannilo at ikatlo naman si Ramil Capio. Kasama sa top five sina Jonas Bacnagan at David Himor.

Sa kababaihan naman nasoprpresa ang beteranong marathoner na si Hazel Madamba na pumangatlo lamang sa likuran ng nagkampeon na si Joan Erespe at Liza Yambao.

Ang karera ay suportado ng Sharp, Bayantel, McDonalds, Circulan, Filmal Realty Corp., Sagip Foundation, Civicom, MMI at inorganisa ng RACE na naglalayong maka-ipon ng pondo para sa rehabilitation ng Philippine mangroves.