Ilocos Norte, kampeon sa IRAA meet

Umani pa ng 47 ginto ang Ilocos Norte sa huling araw ng kompetisyon at opsiyal na mapanatili ang korona sa ikaapat na pagkakataon ng Ilocos Region Athletic Association meet dito sa Manaoag National High School athletic ground.

Suportado ng kanilang gobernador na si Ferdinand ‘Bongbong’ Marcos Jr., Ilocos Norte DepEd na pinamumunuan ni superintendent Ligaya Miguel at Michael Keon, ang Ilocos Norte ay umani ng kabuuang 47 golds, na higit pa sa pinagsamang nakolekta ng Pangasinan ll, Pangasinan l, San Carlos City at Urdaneta na 39 lamang sa elementary division.

Sa secondary class naman, higit na mabagsik ang Ilocos Norte sa kanilang nakulektang 67 golds na kabuuan, na higit pa sa buong naipon ng buong probinsiya ng Pangasinan kasama na ang Dagupan City na may 64 lamang.

Pumangalawa ang Dagupan sa elementary division sa kanilang 26 golds at ikatlo ang Pangasinan ll na may 23 golds.

Sa secondary naman pumangalawa ang La Union sa kanilang naipon na 26 golds at ikatlo ang Pangasinan ll na may 22 golds na kabuuan.