Makabawi sana ang San Miguel

Makabawi na kaya ang San Miguel Beer sa laro nila ngayong araw na ito?

Sa dami ng players na hindi maglalaro, hirap na hirap ang SMB team sa kanilang diskarte.

Pero naniniwala ang mga Beermen na kakayanin nila.

Malalaman natin mamaya...

* * *

Samantala, tuloy-tuloy ang ratsada ng Alaska Aces.

Sa tingin ng maraming basketball fans, ang Alaska na nga ang isa sa heavy favorites for this conference.

Mukhang ang hirap tibagin ng mga bata ni coach Tim Cone.

Maging si Mike Cortez eh oks na oks din ang laro in his rookie year.

* * *

Yung ibang rookies, hindi pa masyadong nagpapakitang-gilas.

Baka naman naga-adjust pa lang.

Give them two of three games more, magpapakita rin ang mga yan.

Sa ngayon, sina Ronald Tubid at Eddie Laure pati na rin si Mike Cortez ang medyo may asim sa larong ipinakita nila.

Yung iba, wala pa.

Hihintayin natin ang kanilang pasiklab!

* * *

Maganda ang sales ngayon ng PBA.

Maganda rin ang ratings at nagi-improve pa.

Sana’y magtuloy-tuloy yan para sa PBA.

Lalo pang gaganda at tataas ang ratings niyan kapag nakapasok ang Ginebra sa finals.

Pustahan tayo...

* * *

Personal: Lagi naman daw silang nagbabasa ng Pilipino Ngayon kaya naman binabati ko ang ME Basketball team na siyang nag-4-peat champions sa kanilang liga--TMac Cruz, Anthony Bautista, Jerome Villena, Kristoffer Jason Astilla, Elgene Baylor Briones, Arman Sanduco, Jeric Meram, Erwin Mendoza, Michael ‘Dimples’ Flora, Caloy San Andres, Gernan Andino, Champ Fernando, Larvin Cruz, Daniel Obar, Gil Napilot at si Neil Anthony Pascual. Sila ang mga players na nagkaisa-isa at nagkasama-sama as a team mula umpisa hanggang dulo, sa hirap at ginhawa.

Congratulations sa inyo!