Pampanga nakasiguro sa quarterfinals

Nakasiguro ang Pampanga Agricultural College (PAC) men’s team sa quarterfinals ng Nestea Beach Volleyball Championships kasama ang anim pang ibang koponan sa pagpapatuloy ng Luzon eliminations sa Rockwell sand court kahapon.

Tinalo ng Pampanga, finalists noong nakaraang taon at nagtapos bilang no. 7 team overall, ang Laguna College of Business And Arts, 21-19 matapos manalo sa pa-mamagitan ng forfeiture laban sa Rizal Technological University.

Bukod sa PAC na bi-nubuo nina Joebert Cocjin at Roldan Garcia, nakadalawang panalo na rin sa men’s side ang Bulacan State University at San Sebastian.

Nanalo ang Bulacan State U laban sa Jose Rizal University, 21-15. Habang pinasadsad naman ng SSC ang De La Salle Dasma., 21-14

Sa women’s side, nanalo naman ang Letran kontra sa Phlippine Christian University, Dasma., 21-9; College of St. Benilde laban sa 1999 champion na FEU, 22-20 at La Salle-Dasma. laban sa San Sebastian, 21-19. (Ulat ni Carmela V. Ochoa)