Sweep tangka ng DLSU-9

Sisikapin ng De La Salle na iposte ang 10-game sweep upang tuluyan ng sungkitin ang korona ng men’s baseball eliminations ng UAAP baseball tournament.

Itinala ng Green Archers noong nakaraang linggo ang kanilang ikasiyam na sunod na panalo sa pamamagitan ng 4-0 tagumpay laban sa Santo Tomas University at isang panalo na lamang ang kani-lang kailangan para sa sweep na nangangahulugan ng awtomatikong pagkuha ng titulo kung mauulit nila ang kanilang naunang panalo sa University of the Philippines sa kanilang paghaharap ngayong tanghali sa Rizal Memorial diamond.

Bagamat nakauna na ang Green Archers, siguradong hindi na pahuhuli ngayon ang Maroons at gagawa ito ng eksplosibong performance para silatin ang DLSU at hatakin ang championship series sa playoff.

Pangalawa ang Maroons sa kanilang itinalang 7-2 panalo-talo.

Sa women’s softball, tinalo ng University of the East ang De La Salle, 23-0 upang manatiling malinis ang kanilang record.

Pumapangalawa naman ang UST (5-2) kasunod ang Adamson (4-3), UP (4-3), at De La Salle University (1-6).