Ateneo bagsak sa DLSU

Ipinagpatuloy ng De La Salle ang kanilang pananalasa matapos na pabagsakin ang Ateneo, 2-1 kahapon at iposte ang kanilang ikala-wang sunod na panalo sa second round ng UAAP men’s tennis tournament sa Rizal Sports Complex sa Pasig City.

Tinalo niYannick Guba si Neil Co, 6-4, 6-2, habang naligtasan ng tambalang Andre Cruz at Nico Faller ang pareha nina Gee Abacan at Mart Temblique, 6-2, 3-6, 6-3 na ang panalo ay lalo pang nagpatibay sa Green Netters na mapasolido ang kanilang kampanya para sa titulo.

Kinana naman ng defending champion UST ang kanilang unang panalo nang kanilang hiyain ang UP, 2-1.

Umiskor si Pius Ocampo ng 6-3, 6-3 panalo kontra Jim Rellona, habang isineguro naman nina Art Tomas Calingasan at Maclean Barraquias ang panalo ng Golden Tigers sa pamamagitan ng 6-7, 6-0, 6-4 tagumpay kontra sa duo nina Jericho Sison at James Soldivillo sa doubles.