2 semifinals slots nakaabang

Nakataya ngayon ang dalawang slot para sa crossover semifinals ang pag-aagawan ng apat na koponan sa playoff match ng PBL Challenge Cup sa Pasig Sports Center.

Unang magtatangka ang Dazz Dishwashing Paste na haharap sa Blu Detergent sa main game dakong alas-5 ng hapon kung saan ang mananalo rito ay pagkakalooban ng twice-to-beat advantage.

Buhay at kamatayan naman ang nakataya para sa engkuwentro ng LBC-Batangas at ICTSI sa alas-3 ng hapon sa huling semifinals berth para sa wild card entry.

Taglay ng Greeasebusters at Detergent Kings ang 1-1 card sa kanilang personal record kung saan unang nanaig ang Blu, 90-78 sa out-of-town game sa Tarlac noong nakaraang Nov. 23, habang nakabawi naman ang Dazz sa 83-69 sa Baguio noong nakaraang Dec. 4.

"We’re given another chance and I told the boys not to let this opportunity slip through our hands again. So we’ve considered all factors to ensure this victory," wika ni Blu coach Leo Isaac.